پاکستان کیخلاف ون ڈے سیریزکیلئے آسٹریلوی سکواڈ کا اعلان
میلبرن: (ویب ڈیسک) کرکٹ آسٹریلیا نے پاکستان کے خلاف ون ڈے سیریز کے لیے آسٹریلوی سکواڈ کا اعلان کر دیا۔
قومی ٹیم اگلے ماہ نومبر میں آسٹریلیا کا دورہ کرے گی، اس دورے میں دونوں ٹیموں کے درمیان 3 ون ڈے اور 3 ٹی 20 میچز کھیلے جائیں گے۔
پاکستان کے خلاف ون ڈے میچز کیلئے آسٹریلوی ٹیم کے سکواڈ کا اعلان کردیا گیا ہے، آسٹریلوی ٹیم کی قیادت پیٹ کمنز کریں گے۔
ون ڈے سیریز کیلئے آسٹریلوی سکواڈ میں شان ایبٹ، کوپر کنولی، جیک فریزر مکگرک، ایرون ہارڈی، جوش ہیزل ووڈ، جوش انگلس، مارنوس لبوشین، گلین میکسویل، سٹیو سمتھ، میچل سٹارک، میتھیو شارٹ، مارکوس سٹوئنس اور ایڈم زمپا کو شامل کیا گیا ہے۔
آسٹریلوی کرکٹر میچل مارش اور ٹریوس ہیڈ پیرنٹل چھٹیوں پر ہیں لہٰذا انھیں سکواڈ کا حصہ نہیں بنایا گیا۔
سکواڈ میں توازن برقرار رکھنے کی کوشش کی ہے: چیف سلیکٹر
آسٹریلوی ٹیم سکواڈ کے حوالے سے چیف سلیکٹر جارج بیلی کا کہنا ہے کہ چیمپئنز ٹرافی سے قبل یہ آخری ون ڈے سیریز ہے اس لیے سکواڈ میں توازن برقرار رکھنے کی کوشش کی گئی ہے۔
جارج بیلی کا کہنا تھا کہ فروری میں پاکستان میں ہونے والی چیمپئنز ٹرافی کے لیے اپنے سکواڈ کے تجربے کو بڑھانے کا موقع ہے۔
واضح رہے کہ پاکستان اور آسٹریلیا کے مابین ون ڈے میچز 4 ،8 اور 10 نومبر کو کھیلے جائیں گے دوسری جانب ٹی 20 میچز کے لیے آسٹریلوی ٹیم کا اعلان بعد میں کیا جائے گا۔
