نئی پلیئرز رینکنگ، سکندر رضا ون ڈے کے نمبر ون آل راؤنڈر بن گئے
دبئی: (دنیا نیوز) انٹرنیشنل کرکٹ کونسل (آئی سی سی) نے ٹی 20 اور ون ڈے پلیئرز کی نئی رینکنگ جاری کر دی۔
بھارت کے ابھیشک شرما کی ٹی 20 بیٹرز کی رینکنگ میں پہلی پوزیشن برقرار ہے جبکہ افغانستان کے ابراہیم زدران کی 12 درجے ترقی ہوئی ہے اور وہ 20 ویں نمبر پر آگئے ہیں۔
آئی سی سی ٹی 20 رینکنگ میں بابر اعظم کی 3 درجے اور محمد رضوان کی 2 درجے تنزلی ہوئی ہے دونوں بالترتیب 21 ویں اور 22 ویں نمبر پر موجود ہیں۔
یو اے ای کے کپتان محمد وسیم 5 درجے ترقی کے بعد 26 ویں پوزیشن پر پہنچ گئے جبکہ پاکستان کے حسن نواز 2 درجے بہتری کے بعد 32 ویں نمبر پر آگئے اور صائم ایوب 2 درجے تنزلی کے بعد 40 ویں نمبر پر چلے گئے ہیں۔
ٹی 20 بیٹرز کی رینکنگ میں پاکستان کے کپتان سلمان علی آغا نے لمبی چھلانگ لگائی ہے وہ 18 درجے بہتری کے بعد 59 ویں نمبر پر براجمان ہو گئے ہیں۔
بولرز رینکنگ میں نیوزی لینڈ کے جیکب ڈفی کی پہلی پوزیشن
ٹی 20 بولرز کی رینکنگ میں نیوزی لینڈ کے جیکب ڈفی کی پہلی پوزیشن برقرار ہے جبکہ پاکستان کے سفیان مقیم 11 درجے لمبی چھلانگ کے بعد 22 ویں نمبر پر پہنچ گئے ہیں۔
شاہین آفریدی 8 درجے بہتری کے بعد 26 ویں نمبر پر براجمان ہوئے ہیں جبکہ حارث رؤف 4 درجے تنزلی کے بعد 28 ویں نمبر پر چلے گئے ہیں اور محمد نواز 15 درجے کی بہتری کے بعد 43 ویں پوزیشن پر پہنچ گئے۔
افغانستان کے محمد نبی 26 درجے کی بہتری کے بعد 54 ویں نمبر پر براجمان ہو گئے ہیں جبکہ نور احمد 49 درجے کی چھلانگ کے بعد 73 ویں پوزیشن پر آگئے ہیں۔
ٹی 20 آل راؤنڈرز کی رینکنگ میں بھارت کے ہاردک پانڈیا کی پہلی پوزیشن برقرار ہے، افغانستان کے محمد نبی ایک درجہ بہتری کے بعد دوسری پوزیشن پر پہنچ گئے۔
صائم ایوب 9 درجہ بہتری کے بعد 14 ویں نمبر پر آگئے اور افغانستان کے راشد خان 3 درجہ بہتری کے بعد 16 ویں نمبر پر آگئے ہیں جبکہ پاکستان کے محمد نواز 14 درجے بہتری کے بعد 21 ویں نمبر پر براجمان ہوئے ہیں۔
ون ڈے بیٹرز کی رینکنگ میں شبمن گل کی پہلی پوزیشن برقرار
آئی سی سی ون ڈے بیٹرز کی رینکنگ میں بھارت کے شبمن گل کی پہلی پوزیشن برقرار ہے۔
سری لنکا کے پاتھم نشانکا 7 درجے بہتری کے بعد 13ویں نمبر پر پہنچ گئے اور جنوبی افریقہ کے رسی ون ڈر ڈوسن 3 درجے تنزلی کے بعد 18ویں نمبر جبکہ ایڈن مارکرم 3 درجے ترقی کے بعد 20ویں نمبر پر براجمان ہوئے ہیں۔
انگلینڈ کے بین ڈکٹ 5 درجے تنزلی کے بعد 21 ویں نمبر پر چلے گئے اور زمبابوے کے سکندر رضا 9 درجے چھلانگ کے بعد 22 ویں نمبر پر پہنچ گئے، زمبابوے کے بین کرن 71 درجے کی لمبی چھلانگ کے بعد 90ویں نمبر پر آگئے ہیں۔
آئی سی سی ون ڈے بولرز کی رینکنگ میں جنوبی افریقہ کے کیشو مہاراج کی پہلی پوزیشن برقرار ہے، انگلینڈ کے جوفرا آرچر 6 درجے بہتری کے بعد 19ویں نمبر پر آگئے ہیں جبکہ جنوبی افریقہ کے لونگی نگیدی 5 درجے بہتری کے بعد 24ویں نمبر پر براجمان ہیں۔
سکندر رضا ون ڈے کرکٹ کے نمبر ون آل راؤنڈر
زمبابوے کے سکندر رضا ون ڈے کرکٹ کے نمبر ون آل راؤنڈر بن گئے، ون ڈے آل راؤنڈرز رینکنگ میں سکندر رضا 2 درجے بہتری کے بعد نمبر پوزیشن پر آگئے ہیں۔
افغانستان کے عظمت اللہ عمرزئی ایک درجہ تنزلی کے بعد دوسرے نمبر پر چلے گئے اور افغانستان کے محمد نبی ایک درجہ تنزلی کے بعد تیسرے نمبر پر چلے گئے۔
نیوزی لینڈ کے مچل سینٹنر ایک درجہ بہتری کے بعد چھٹے نمبر پر آگئے اور افغانستان کے راشد خان ایک درجہ بہتری کے بعد ساتویں نمبر پر براجمان ہیں جبکہ زمبابوے کے شین ولیمز 7 درجے بہتری کے بعد 16 ویں نمبر پر آ گئے۔
