سونا مزید مہنگا، چاندی کی قیمت بھی تاریخ کی بلند ترین سطح پر پہنچ گئی
کراچی: (دنیا نیوز) سونے کی عالمی اور مقامی قیمت میں ایک بار پھر اضافہ ہوا ہے جبکہ چاندی کے نرخ تاریخ کی بلند ترین سطح پر پہنچ گئے۔
بین الاقوامی بلین مارکیٹ میں فی اونس سونے کی قیمت 5 ڈالر کے اضافے سے 4 ہزار 212 ڈالر ہوگئی جبکہ پاکستان میں فی تولہ سونے کی قیمت میں 500 روپے اور دس گرام سونے کی قیمت میں 428 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 4 لاکھ 43 ہزار 562 روپے اور دس گرام سونے کی قیمت 3 لاکھ 80 ہزار 282 روپے کی سطح پر پہنچ گئی۔
دوسری جانب فی تولہ چاندی کی قیمت 85روپے کے اضافے سے 6ہزار 452روپے کے ساتھ تاریخ کی نئی بلند ترین سطح پر آگئی جبکہ 10 گرام چاندی کی قیمت 73 روپے کے اضافے سے 5 ہزار 531 روپے کی بلند ترین سطح پر آگئی۔
