لاہور: کاہنہ کے ایک گھر سے بوسیدہ تین لاشیں برآمد
لاہور:(دنیا نیوز) صوبائی دارالحکومت کے علاقے کاہنہ کے ایک گھر سے بوسیدہ تین لاشیں برآمد ہوئی ہیں۔
پولیس کے مطابق سینٹرل پارک سے ملنے والی تین لاشوں کی شناخت 65 سالہ نعمان اختر،35 سالہ کامران ،30سالہ عمران کے ناموں سے ہوئی ہے، تینوں لاشوں میں دو بیٹے اور ایک باپ شامل ہے۔
دوسری جانب پولیس نے لاشیں قبضے میں لے کر پوسٹ مارٹم کیلئے مقامی ہسپتال منتقل کردی جہاں ڈاکٹرز کا کہنا تھا کہ تینوں لاشیں 20 دن سے پرانی ہیں۔
علاوہ ازیں محلے داروں کا کہنا تھا کہ مرنے والے تینوں افراد کئی دنوں سے نظر نہیں آرہی تھے اور گھر بھی بند تھا، پولیس نے مختلف زاویوں سے تفتیش کا آغاز کردیا۔
