ایران میں حالیہ امریکی حملوں میں شہدا کی تعداد 24 ہوگئی
تہران: (دنیا نیوز) ایران پر امریکا کے حالیہ حملوں میں جاں بحق افراد کی مجموعی تعداد 24 ہو گئی ہے، جبکہ مختلف حملوں میں متعدد افراد زخمی بھی ہوئے ہیں۔
ایرانی میڈیا کے مطابق آج ہونے والے امریکی حملوں میں مزید 4 افراد شہید اور 7 زخمی ہوئے، ایرانی شہر آبادان میں امریکی میزائل حملوں کے نتیجے میں 2 افراد شہید جبکہ 3 زخمی ہوئے۔
اسی طرح شہر نائین کے ایک فوجی اڈے پر امریکی حملے میں ایک شخص جاں بحق ہوا، جبکہ ماہ شہر میں واٹر پمپنگ اسٹیشن کو نشانہ بنائے جانے کے نتیجے میں ایک شخص شہید اور 4 افراد زخمی ہوئے۔
ایرانی میڈیا کے مطابق ان حالیہ حملوں کے بعد امریکا کے حملوں میں جاں بحق افراد کی مجموعی تعداد 24 تک پہنچ گئی ہے، جبکہ مزید نقصانات کی تفصیلات سامنے آنے کا سلسلہ جاری ہے۔
Comments / رائے دیں
Share your thoughts. Comments are reviewed before they appear publicly.
Approved Comments