ہائیکورٹ:بروقت انصاف کی فراہمی کیلئے جسٹس کمیٹی میں غور
لاہور(کورٹ رپورٹر)پنجاب کی عدالتوں میں 15 لاکھ سے زائد زیرالتوا مقدمات کو نمٹانے، سائلین کو بروقت انصاف کی فراہمی کو یقینی بنانے اور جیلوں میں موجود قیدیوں کو سہولیات فراہم کرنے سے متعلق۔۔۔
چیف جسٹس لاہور ہائیکورٹ جسٹس عالیہ نیلم کی سربراہی میں صوبائی جسٹس کمیٹی کا اجلاس لاہور ہائیکورٹ کی ججز لائبریری میں منعقد ہوا،اجلاس میں سیکرٹری لا اینڈ جسٹس کمیشن ،سیکرٹری، قانون و پارلیمانی امور، ہوم سیکرٹری پنجاب نور الامین مینگل ،آئی جی پولیس ڈاکٹر عثمان انور ، انسپکٹر جنرل جیل میاں فاروق نذیر ،سیکرٹری پبلک پراسیکیوشن پنجاب،سیکرٹری محکمہ خزانہ، پنجاب ، پراسیکیوٹر جنرل پنجاب سید فرہاد علی شاہ ،ایڈووکیٹ جنرل پنجاب امجد پرویز ،ڈائریکٹر جنرل، پنجاب فرانزک سائنس ایجنسی، لاہور ،ڈائریکٹر جنرل اینٹی کرپشن سہیل ظفر چٹھہ سمیت دیگر افسران نے شرکت کی ، اجلاس میں عدالتوں میں 15 لاکھ سے زائد زیرالتوا مقدمات کو بروقت نمٹانے سے متعلق اقدامات پر غور کیا گیا ایف آئی آرز اور جمع ہونیوالے چالانوں سے متعلق رپورٹ پیش کی گئی ، جیلوں میں انڈر ٹرائل ،سزا یافتہ اور بری ہونیوالے قیدیوں کے بارے میں بھی رپورٹ پیش کی گئی ،اجلاس میں مقدمات ، سماعت، فیصلوں کو آن لائن کرنے سے متعلق تبادلہ خیال کیا گیا ۔
