بھارت کا اسلام دشمن چہرہ بے نقاب ہوگیا ،شاداب رضا
کراچی (این این آئی)سربراہ پاکستان سنی تحریک محمدشاداب رضا نقشبندی نے کہا ہے کہ مسلم وقف جائیدادیں ہڑپنے کا بل بھارت کا اسلام دشمن چہرہ بے نقاب ہوچکا ہے۔۔
بھارت سیکولر ملک نہیں مذہبی جنونی ہے جہاں اقلیتیں محفوظ نہیں ہیں ،مسلمانوں کی متروکہ جائیدادیں ہڑپنے کا متنازعہ وقف بل بھارتی حکومت کی جنونیت اور مسلم دشمنی پر مبنی ہے ۔ایک بیان میں انہوں نے کہا کہ مودی حکومت مسلمانوں کے ساتھ ظلم وجبر کے پہاڑ توڑ رہی ہے ،اقوام متحدہ کے انسانیت اور مذہب دشمن اقدامات کو روکنے کیلئے عالمی قوانین پر عمل درآمد کرے ،بھارت میں اقلیتیں غیر محفوظ ہیں بالخصوص مسلمانوں پر مودی حکومت زمین تنگ کررہی ہے ،بھارت ایک طرف کشمیر اور دوسری طرف بھارت میں مسلم نسل کشی اور ظلم وبربریت کی انتہا کرچکا اور کررہاہے ،عالمی ادارے بے بسی کا مظاہرہ کرکے متنازعہ بن رہے ہیں اور انصاف کا قتل ہورہا ہے ،حکومت پاکستان بھارتی حکومت کے مسلم دشمن فعل اور متروکہ وقف بل کے خلاف آواز بلند کرے ۔انہوں نے کہا کہ بھارت کو کشمیر میں مسلم نسل کشی سے نہ روکنے سے اس کے ظالمانہ حوصلے بلند ہوئے ہیں ،اقوام متحدہ عالمی اداروں اور عالمی قوتوں نے مذہبیشدت پسندی کے خلاف نوٹس نہیں لیا اور بھارت کو عالمی قوانین کے تحت نہ روکا تو یہ انصاف کا قتل اور خطے میں امن کی صورتحال میں بگاڑ پیدا کرے گا ،انہوں نے کہا کہ بھارت کے اقلیتوں کے خلاف منفی اور مذہبی جنونیت پر مبنی سوچ پوری دنیا پر عیاں ہوچکی ہے ،اقوام متحدہ بھارت میں مسلم دشمن قوانین کی روک تھام اور کشمیر کی حیثیت کو 5اگست 2019والی پوزیشن پر واپس لائے ،بھارت نے مذہبی جنونیت کو ترک نہیں کیا تو اس سے اشتعال پھیلے گا جو کسی طور بھی کسی کے مفاد میں نہیں ہوگا ۔
