آپریشن شعبان میں مزید 3 دہشت گرد ہلاک، تعداد 91 ہو گئی
کوئٹہ: (دنیا نیوز) پاک فوج، ایف سی بلوچستان اور پولیس کا مشترکہ "آپریشن شعبان" بلوچستان میں جاری ہے۔
سکیورٹی ذرائع کے مطابق مؤثر کارروائیوں کے نتیجے میں مزید 3 خارجی دہشت گرد ہلاک کر دیئے گئے ہیں۔
سکیورٹی ذرائع کا کہنا ہے کہ کارروائیوں کے دوران دشوار گزار علاقوں میں دہشت گردوں کی کمین گاہوں کو کامیابی سے نشانہ بنایا گیا۔
ذرائع کے مطابق آپریشن شعبان میں ہلاک ہونے والے دہشت گردوں کی مجموعی تعداد 91 ہو گئی ہے، 5 جولائی سے اب تک آپریشن شعبان اور دیگر انٹیلی جنس بیسڈ آپریشنز میں مجموعی طور پر 129 خارجی دہشت گرد مارے جا چکے ہیں۔
سکیورٹی ذرائع نے کہا ہے کہ بلوچستان میں آخری دہشت گرد کے خاتمے تک آپریشن شعبان جاری رہے گا۔
Comments / رائے دیں
Share your thoughts. Comments are reviewed before they appear publicly.
Approved Comments