بھارت میں گرمی کی شدید لہر، ہیٹ سٹروک سے ہلاکتیں 93 ہوگئیں
نئی دہلی: (دنیا نیوز) بھارت میں گرمی کی شدید لہر، دارالحکومت دہلی میں 6سالہ ریکارڈ ٹوٹ گیا۔
بھارتی میڈیا کے مطابق نئی دہلی میں ہیٹ سٹروک سے 11 افراد ہلاک ہوگئے جبکہ اتر پردیش میں گرمی کی لہر جان لیوا ثابت ہوئی جس کے باعث 81 افراد ہلاک ہوگئے، ہیٹ سٹروک کا شکار مریضوں میں خواتین سمیت معمر افراد کی زیادہ تعداد ریکارڈ کی گئی۔
دوسری جانب ریاست آسام میں شدید بارشیں اور سیلاب نے تباہی مچادی ہے،108 دیہات زیر آب آگئے، مختلف حادثات میں ہلاکتوں کی تعداد 37 تک پہنچ گئی جبکہ 4لاکھ افراد متاثر ہوئے۔
آسام میں 1300ایکڑ سے زائد رقبے پر کھڑی فصلیں تباہ ہوگئیں، سیلاب کے باعث 5000 سے زائد لوگوں کو ریلیف کیمپوں میں منتقل کیا گیا۔
