پنجاب میں بلدیاتی الیکشن نہ کرانے کیخلاف درخواستوں پرلاہور ہائیکورٹ کافل بینچ تشکیل ، 25مارچ کو سماعت کریگا
لاہور(کورٹ رپورٹر)لاہور ہائیکورٹ نے پنجاب میں بلدیاتی انتخابات نہ کرانے کیخلاف دائر درخواستوں پر فل بینچ تشکیل دیدیا۔
چیف جسٹس عالیہ نیلم کی سربراہی میں 3 رکنی فل بینچ 25 مارچ کو پنجاب میں بلدیاتی الیکشنکیلئے دائر کل 47 درخواستوں پر سماعت کرے گا۔ بینچ میں جسٹس فاروق حیدر اور جسٹس طارق ندیم بھی شامل ہیں۔ سابق میئر لاہور مبشر جاوید، رہنما جماعت اسلامی لاہور ضیا الدین انصاری ودیگرنے درخواستوں میں موقف اختیار کیاہے کہ بلدیاتی انتخابات میں تاخیر سے لوکل ڈویلپمنٹ اور احتساب کا عمل متاثر ہو رہا ہے ۔ عدالت وفاقی و صوبائی حکومت سمیت دیگر فریقین کو پنجاب میں بلدیاتی الیکشن کرانے کا حکم دے ۔
روزنامہ دنیا ایپ انسٹال کریں
