سینئر سول سروس افسران کے وفد کا ڈی سی آفس کا دورہ
فیصل آباد(خصوصی رپورٹر)نیشنل انسٹیٹیوٹ آف پبلک ایڈمنسٹریشن (NIPA) اسلام آباد کے 37ویں سینئر مینجمنٹ کورس کے تحت تربیت حاصل کرنے والے سینئر سول سروس افسران کے وفد نے ڈپٹی کمشنر آفس فیصل آباد کا دورہ کیا۔۔۔
ڈپٹی کمشنر کیپٹن (ر)ندیم ناصر نے وفد کا پرتپاک استقبال کیا اور انہیں ضلع فیصل آباد کے انتظامی ڈھانچے ، حکومتی طریقہ کار اور پبلک سروس ڈیلیوری سسٹم کے حوالے سے تفصیلی بریفنگ دی۔ اس موقع پر ڈی سی نے حکومت پنجاب کے مختلف انیشیٹوز پر روشنی ڈالی، جو شہریوں کی زندگی کو بہتر بنانے کے لئے جاری ہیں۔ڈپٹی کمشنر نے صحت، تعلیم، سڑکوں اور انفراسٹرکچر کی بہتری، بیوٹیفکیشن پلانز اور دیگر فلاحی منصوبہ جات سے متعلق بھی شرکاء کو آگاہ کیا۔ انہوں نے زور دیا کہ مؤثر انتظامی حکمت عملی کی بدولت عوام کو سہولیات کی فراہمی میں بہتری آئی ہے ، دورے کے اختتام پر ڈپٹی کمشنر نے زیرِ تربیت افسران کو یادگاری سوونیئر پیش کئے ، جسے وفد نے ادارے کی جانب سے خوش آئند قدم قرار دیا۔
