ٹریفک حادثات میں خواتین سمیت 7زخمی
اوچ شریف ( نمائندہ دنیا ) دو ٹریفک حادثات میں خواتین سمیت 7 افراد زخمی ، دو موٹر سائیکلیں ٹکرانے سے 5 افراد زخمی ہوئے۔۔
، موٹر سائیکل اور دو گاڑیوں میں تصادم کے باعث دو افراد شدید زخمی ، ریسکیو ٹیم نے تمام زخمیوں کو ہسپتال منتقل کردیا بہشتی چوک پر دو موٹر سائیکلیں ٹکرانے سے خواتین سمیت 5 افراد زخمی ہوگئے ۔ اطلاع ملنے پر ریسکیو اوچ شریف ٹیم نے موقع پر پہنچ کر زخمیوں کو فرسٹ ایڈ دیکر تحصیل ہیڈ کوارٹر اسپتال منتقل کیا۔ ، زخمیوں کی شناخت محمد شہزاد ، محمد احمد ، سمعیہ ، علشبہ اور وسیم کے نام سے ہوئی ، دوسرے حادثہ میں ریسکیو ذرائع کے مطابق اوچ شریف جلال پور پیر والہ ایکسپریس وے پر اڈہ حلیم پور کے قریب تیز رفتار مسافر وین بولان کیری سے جاٹکرائی ۔ سامنے سے آنے والے موٹر سائیکل سوار کیری بولان کی زد میں آگئے ، جس کے باعث موٹر سائیکل پر سوار دونوں افراد شدید زخمی ہوگئے ۔ جن کی شناخت 17 سالہ محسن اور 22 سالہ دلشاد کے نام سے ہوئی ۔ریسکیو ٹیم نے دونوں زخمیوں کو فرسٹ ایڈ دیکر اوچ شریف اسپتال منتقل کردیا۔
