گجرپورہ ـ:خاتون کے قتل کافرار شوہر ملزم گرفتار
لاہور(کرائم رپورٹر)گجرپورہ پولیس نے خاتون سعدیہ کے قتل کے چند گھنٹوں کے بعد ہی فرار ہونے والے ملزم کو گرفتار کر لیا۔
خاتون کا قاتل اس کا شوہر عارف نکلا۔تفصیلات کے مطابق خاتون کو چند گھنٹے قبل گجر پورہ کے علاقہ میں رکشہ میں فائرنگ کر کے قتل کیا گیا تھا۔ڈی آئی جی آپریشن لاہور فیصل کامران نے واقعہ کا نوٹس لے کر ملزم کی گرفتاری کا حکم دیا تھا۔ جس پر ایس پی سول لائنز ڈاکٹر عبدالحنان نے ایس ایچ او گجر پورہ اور انچارج چوکی کرول گھاٹی پر مشتمل ٹیم تشکیل دی۔پولیس ٹیم نے جدید ٹیکنالوجی کی مدد سے ملزم کو ٹریس کر کے گرفتارکر کے اس سے آلہ قتل برآمد کرکے اسے مزید تفتیش کے لیے انوسٹی گیشن ونگ کے حوالے کر دیا ۔
روزنامہ دنیا ایپ انسٹال کریں
