نجی کمپنیوں کے اکاؤنٹس آفیسرز کو تنخواہوں سے ٹیکس کٹوتی کا اختیار دینے کا بل کمیٹی سے منظور
لاہور(نیوز ایجنسیاں)پنجاب اسمبلی کی قائمہ کمیٹی برائے خزانہ نے نجی کمپنیوں کے اکاؤنٹس آفیسرز کو تنخواہوں سے ٹیکس کی کٹوتی کا اختیار دینے کا فنانس ترمیمی بل 2025 کی منظوری دیدی۔
اجلاس کی صدارت چیئرمین آغا علی حیدر نے کی ، مختلف محکموں کے افسروں نے شرکت کی۔ترمیمی بل کے مطابق ڈی ڈی اوز ٹیکس کٹوتی کے بعد ہی تنخواہیں جاری کرینگے ،ٹیکس کی عدم ادائیگی پر محکمہ ایکسائز کا متعلقہ افسر جوابدہ ہوگا۔ٹیکس کی رقم براہ راست سرکاری خزانے میں جمع کرانا لازم قرار دے دیا ہے ،پنجاب فنانس ترمیمی بل جلد اسمبلی اجلاس میں پیش کیا جائے گا۔ بل کے مطابق ٹیکس جمع نہ کروانے کی صورت میں محکمہ ایکسائز فوری کارروائی کرے گا،سرکاری افسروں پر ٹیکس کٹوتی خزانے میں جمع کروانے کی ذمہ داری عائد کی گئی ہے ،اگر کوئی افسر غفلت برتے گا تو وہ خود ٹیکس کی رقم ادا کرنے کا پابند ہوگا۔
روزنامہ دنیا ایپ انسٹال کریں
