ڈیوڈ وارنر پی ایس ایل 10 میں کراچی کنگز کی قیادت کرینگے
لاہور (سپورٹس ڈیسک ) آسٹریلوی کھلاڑی ڈیوڈ وارنر پی ایس ایل 10 میں کراچی کنگز کی قیادت کرینگے ، ڈیوڈ وارنر کو شان مسعود کی جگہ ٹیم کا کپتان بنایا گیا ہے ۔
یاد رہے کہ کراچی کنگز نے ڈیوڈ وارنر کو اس سال پلاٹینم کیٹیگری میں منتخب کیا تھا۔پی ایس ایل ٹورنامنٹ 11 اپریل سے 18 مئی 2025ء کے درمیان شیڈول ہے ، 6 ٹیموں کے ٹورنامنٹ میں 11 اپریل سے 18 مئی تک 34 میچز کھیلے جائیں گے ، لاہور کا قذافی اسٹیڈیم ان میں سے 13 میچوں کی میزبانی کرے گا۔ایونٹ میں 3 ڈبل ہیڈرز بھی ہونگے جن میں سے 2 میچ ویک اینڈ (ہفتے کو) اور ایک قومی تعطیل (یومِ مئی) پر ہو گا، 11 اپریل سے راولپنڈی کرکٹ سٹیڈیم میں دفاعی چیمپئن اسلام آباد یونائیٹڈ اور دو بار کی چیمپئن لاہور قلندرز کے درمیان افتتاحی میچ کھیلا جائے گا۔
روزنامہ دنیا ایپ انسٹال کریں
