پنجاب حکومت کی توجہ عوامی منصوبوں پر مرکوز،تہمینہ دولتانہ
وہاڑی(نمائندہ خصوصی) کرمپور میں ریسکیو 1122 کے سب اسٹیشن کا باقاعدہ افتتاح کر دیا گیا تہمینہ دولتانہ،نعیم اختر بھابھہ، انجینئر دانش خلیل اسٹنٹ کمشنر خلیل احمد پڈھیار راو محمد یعقوب کی افتتاحی تقریب میں بطور مہمان خصوصی شرکت۔
افتتاحی تقریب میں مقامی عمائدین، سول سوسائٹی سے تعلق رکھنے والے سینکڑوں افراد کے ساتھ ساتھ میڈیا نمائندگان نے شرکت کی۔افتتاحی تقریب سے خطاب کرتے ہوئے محترمہ تہمینہ دولتانہ کا کہنا تھا کہ وزیر اعلیٰ عوامی فلاحی پراجیکٹس پر خصوصی توجہ دے رہی ہیں اور عوام کوصحت کی سہولیات فراہم کرنا انکی اولین ترجیح ہے ۔ممبر صوبائی اسمبلی نعیم اختر بھابھہ نے خطاب کرتے ہوئے کرمپور اور نزدیکی دیہاتوں کے لئے ریسکیو 1122 کی سروسز کا آغاز یہاں کے لوگوں کے لئے کسی نعمت سے کم نہیں ڈسٹرکٹ ایمرجنسی آفیسر انجینئر دانش خلیل نے اپنے خیالات کا اظہار کرتے ہوئے کہا کہ کرمپور روڈ پر ایمرجنسی کے بڑھتے ہوئے واقعات کے پیش نظر کرم پور اسٹیشن کی تعمیر ناگزیر تھی۔ اس ضرورت کے پیش نظر سیکرٹری ایمرجنسی سروسز ڈاکٹر رضوان نصیر نے خصوصی کاوش کرتے ہوئے کرم پور اسٹیشن کا قیام عمل میں لایا اور قلیل وقت میں اس کی تعمیر کا کام مکمل کرویا گیا۔ کرمپور اسٹیشن کے فعال ہونے سے نہ صرف کرمپور روڈ کے نواحی دیہاتوں میں ریسکیو سروسز کی فراہمی ممکن ہو سکے گی بلکہ موضع شرف موضع دھلوں روڈ پر بھی فوراً ایمرجنسی سروسز کی فراہمی بروقت میسر ہو گی۔ ریسکیو1122 کا تربیت یافتہ عملہ چوبیس گھنٹے ہمہ وقت خدمتِ انسانیت کیلئے تیار رہے گا اور اپنا سٹینڈرڈ ریسپانس ٹائم بھی برقرار رکھے گا۔
