ڈپٹی کمشنرز عید پر سکیورٹی انتظامات یقینی بنائیں، کمشنر راولپنڈی
راولپنڈی(نیوز رپورٹر، خصوصی نامہ نگار)کمشنر راولپنڈی ڈویژن انجینئر عامر خٹک نے عیدالفطر کے حوالے سے منعقدہ جائزہ اجلاس کی صدارت کرتے ہوئے کہا کہ ڈپٹی کمشنرز عید کے موقع پر سکیورٹی انتظامات کو یقینی بنانے کے لئے تمام انتظامات مکمل کریں۔
عوامی اجتماعات کی جگہوں کی فول پروف سکیورٹی یقینی بنائی جائے، ہسپتالوں میں عید کے دنوں میں ایمرجنسی نافذ کی جائے، دریا اور دیگر ندی نالوں میں نہانے پر دفعہ 144 نافذ کرتے ہوئے دریا کے کناروں پر ریسکیو ٹیمیں تعینات کی جائیں۔ پارکوں میں جھولوں کی مکینیکل فٹنس کا خاص خیال رکھا جائے، ٹریفک کی روانی برقرار رکھنے کے لیے خصوصی اقدامات کیے جائیں، بازاروں، تفریحی مقامات اور مساجد کے اطراف صفائی کا خاص خیال رکھا جائے۔ عیدگاہوں کی صفائی اور تزئین و آرائش مکمل کی جائے ۔ عوام انتظامیہ کے ساتھ مکمل تعاون کریں۔
روزنامہ دنیا ایپ انسٹال کریں
