آؤٹ سورس سکولوں میں کوالٹی اشورنس ٹیسٹ کیلئے شیڈول جاری
لاہور( ایجوکیشن رپورٹر)سکول ایجوکیشن ڈیپارٹمنٹ نے آؤٹ سورس سکولوں میں کوالٹی اشورنس ٹیسٹ کے لیے شیڈول جاری کر دیا ۔
اعلامیہ کے مطابق ٹیسٹ 15 مارچ سے 29 مارچ تک مرحلہ وار لیا جائے گا۔ٹیسٹ میں خراب نتائج دینے والے سکولوں کا لائسنس منسوخ کر دیا جائے گا۔پنجاب ایجوکیشن فاؤنڈیشن پنجاب انیشی ایٹو برائے مینجمنٹ آف ایجوکیشن سکولوں کو بھی کیو اے ٹی میں شامل کیا جائے گا۔ٹیسٹ کے لیے سپرنٹنڈنٹ گورنمنٹ سکول کے اساتذہ کو تعینات کیا جائے گا۔
حکام کے مطابق ٹیسٹ کے نتائج نئے تعلیمی سال شروع ہونے سے قبل جاری کر دئیے جائیں گے ۔
روزنامہ دنیا ایپ انسٹال کریں
