چکن کی قیمتوں میں اضافہ‘انتظامیہ کنٹرول کرنے میں ناکام
وہاڑی (نمائندہ خصوصی)چکن کی قیمتوں میں اضافہ، انتظامیہ کنٹرول کرنے میں ناکام ہوگئی،شہر میں700روپے اورنواحی علاقوں میں 750روپے کلو فروخت جاری۔
تفصیل کے مطابق وہاڑی شہر میں مرغی کا گوشت غریب عوام کی قوت خرید سے باہر ہو گیا، اندرون شہر میں مرغی کا گوشت 700 روپے کلو جبکہ نواحی علاقوں میں 750 روپے کلو کے حساب سے فروخت کیا جا رہا ہے ۔شہر میں مرغی کے گوشت کی قیمتوں میں روزانہ کی بنیاد پر اضافے کا سلسلہ جاری ہے ۔ بازار میں مرغی کے گوشت کی قیمت رواں سال کی بلند ترین سطح کو چھونے لگی، اندرون شہر زندہ مرغی کی قیمت میں اضافہ کر دیا گیا ہے ۔دکانداروں کا کہنا ہے کہ پولٹری فارم میں مرغی کی پروڈکشن میں کمی آئی ہے جس کی وجہ سے قیمت میں اضافہ ہو رہا ہے ۔شہریوں نے ضلعی انتظامیہ اور پرائس، کنٹرول مجسٹریٹ سے مرغی کی قیمتوں میں حکومت کے مقررہ کردہ نرخوں کے مطابق فروخت کروانے کا مطالبہ کیاہے ۔
