پاکستان سمیت مختلف ممالک میں صارفین کو واٹس ایپ کے استعمال میں مشکلات
اسلام آباد(مانیٹرنگ ڈیسک)پاکستان سمیت مختلف ممالک میں صارفین کو میٹا کی کالنگ اور میسجنگ ایپ واٹس ایپ کے استعمال میں مشکلات کا سامنا ہے ۔
غیر ملکی میڈیا کے مطابق مختلف ملکوں میں صارفین کو واٹس ایپ میسج بھیجنے میں مشکلات پیش آرہی ہیں۔واٹس ایپ صارفین کی جانب سے ایکس اور فیس بک سمیت دیگر سوشل میڈیا ایپس پر بتایا گیا کہ انہیں واٹس ایپ پر میسج بھیجنے اور اسٹیٹس اپلوڈ کرنے میں مشکلات پیش آرہی ہیں۔پاکستان میں بھی صارفین کو واٹس ایپ کی سروس میں تعطل اور تاخیرکا سامنا ہے ۔ وٹس ایپ پر بھیجے گئے پیغامات دوسرے صارفین تک پہنچنے میں تاخیرکاسامنا ہے ۔وٹس ایپ گروپس میں بھیجے گئے پیغامات، تصاویر، فوٹیجز بھی دوسرے صارفین تک نہیں پہنچ رہیں۔میٹا یا واٹس ایپ انتظامیہ نے فوری طور پر اس خلل سے متعلق کوئی باضابطہ بیان جاری نہیں کیا۔ کچھ صارفین نے فیس بک اور انسٹاگرام کے استعمال میں بھی اسی نوعیت کی مشکلات کا بتایا ہے ۔
