میاں بیوی اور نومولود کی ہلاکت کے ملزمان جیل منتقل
کراچی (اسٹاف رپورٹر)جوڈیشل مجسٹریٹ شرقی نے ملیر ہالٹ ٹریفک حادثے میں میاں بیوی اور نومولود کی ہلاکت کے مقدمے میں گرفتار دو ملزمان کو عدالتی ریمانڈ پر جیل بھیج دیا ہے ۔
جوڈیشل مجسٹریٹ شرقی کی عدالت میں پولیس نے ٹینکر ڈرائیور اور ہیلپر کو جسمانی ریمانڈ مکمل ہونے پر پیش کیا، تفتیشی افسر نے عدالت سے ملزمان کے جسمانی ریمانڈ میں توسیع کی استدعا کرتے ہوئے بتایا کہ ٹینکر کا مالک ملک سے باہر ہے ، حادثے کے ذمہ دار ٹینکر کی رجسٹریشن خیبر پختونخوا کی ہے ، رجسٹریشن کی رپورٹ تاحال موصول نہیں ہوسکی ہے ، جائے وقوعہ کے اطراف مزید سی سی ٹی وی فوٹیجز بھی حاصل کرنی ہیں۔
روزنامہ دنیا ایپ انسٹال کریں
