ڈاکٹر افتخار احمد مولانا ظفرعلی خان کالج کے پرنسپل تعینات
وزیرآباد (نا مہ نگار)پروفیسر ڈاکٹر افتخار احمدکو گورنمنٹ مولانا ظفر علی خان پوسٹ گر یجوایٹ کالج وزیرآباد کا مستقل پرنسپل تعینات کر دیا گیا ۔
انہوں نے عہدے کا چارج سنبھال کر کام شروع کردیا ۔ اس موقع پرپروفیسر محمد ارشد بخاری، پروفیسر شیخ ثنا اللہ،پروفیسر محمد اختر مسعود ساجد چیمہ، پروفیسر عبدالشکور اور پروفیسر عاصم علی سمیت کالج کے سٹاف نے ان کا پرتپاک استقبال کیا اور انہیں مبارکباد دی۔انہوں نے اس موقع پر پروفیسر ڈاکٹر افتخار احمد کو پھولوں کے گلدستے پیش کئے اور ہار پہنائے ۔ پرنسپل پروفیسر ڈاکٹر افتخار احمد نے اس عزم کا اظہار کیا کہ وہ عظیم درسگاہ کے تعلیمی معیار کو مزید بلندیوں تک لے جائیں گے ۔
روزنامہ دنیا ایپ انسٹال کریں
