ابراہیم حسن مراد کی طرف سے پاکستانی قوم کو عید الفطر کی خوشیاںمبارک
لاہور(سٹاف رپورٹر)سابق صوبائی وزیر اورصدر یونیورسٹی آف مینجمنٹ اینڈ ٹیکنالوجی( یو ایم ٹی)، ابراہیم حسن مراد نے عید الفطر کے پُر مسرت موقع پر پاکستانی قوم کو دل کی گہرائیوں سے مبارکباد پیش کی اور امت مسلمہ کے لیے خصوصی نیک تمناؤں کا اظہار کیا۔
انہوں نے کہا کہ عید الفطر کا یہ دن صرف خوشی کا ہی نہیں، بلکہ ایثار، محبت اور یکجہتی کا بھی پیغام دیتا ہے۔سابق صوبائی وزیر کا کہنا تھا کہ اس موقع پر ہمیں اپنے مظلوم فلسطینی بھایئوں کو بھی یاد رکھنا چاہئے، ان کے حق میں دُعا خیر کرنی چاہئے۔ انہوں نے کہا کہ یہ ہماری اجتماعی ذمہ داری ہے کہ عید پر ہم اپنی خوشیوں میں ضرورت مندوں کو بھی شامل کریں،تاکہ رمضان کی برکتوں کو اپنی زندگی کا حصہ بنا کر سکون حاصل کر سکیں ۔ ہمیں ان اصولوں پر عمل پیرا ہو کر اپنے معاشرتی فرائض بخوبی سر انجام دینے چاہئیں۔
روزنامہ دنیا ایپ انسٹال کریں
