معروف کامیڈین جاویدکوڈو انتقال کرگئے
لاہور(مانیٹرنگ ڈیسک) سٹیج اور ٹی وی کے نامور کامیڈین اداکار جاوید کوڈو انتقال کرگئے ۔اہل خانہ کے مطابق جاوید کوڈو کافی عرصہ سے علیل اور جنرل ہسپتال میں زیر علاج تھے ۔
اپنے چھوٹے قد کی وجہ سے شہرت پانے والے اداکار جاوید کوڈو نے سٹیج ڈراموں سمیت متعدد فلموں اور ڈراموں میں کام کیا۔ان کے قابل ذکر پاکستانی ڈراموں میں عینک والا جن اور آشیانہ شامل ہیں۔ایک انٹرویو میں جاوید کوڈو نے بتایا تھا کہ مجھے برین ہیمرج ہوا اور میں مفلوج ہوگیا، اس کے علاوہ میں دل کی بیماری میں بھی مبتلا ہوں، میرے پیٹ کی سرجری بھی ہوئی تھی۔جاوید کوڈو نے اپنے ساتھی ادا کاروں کے رویے کے بارے میں ذکر کرتے ہوئے کہا تھا کہ آج کل ہر کوئی مالی مسائل کا شکار ہے ، امید تھی کہ میرے دوست میری مدد کریں گے ، لیکن ایسا لگتا ہے کہ وہ بھی مہنگائی کی وجہ سے مشکل حالات میں ہیں۔
روزنامہ دنیا ایپ انسٹال کریں
