مرغی کا گوشت 820 روپے کلو تک فروخت
گوجرانوالہ(نیوز رپورٹر)عید الفطر کی آمد اورگوجرانوالہ میں برائلر مر غی کے گوشت کی اونچی اڑان ،برائلر مرغی کے گوشت کی قیمت میں ریکارڈ اضافہ ،دکانداروں نے سرکاری ریٹ لسٹ نظر انداز کر کے مرضی کے ریٹ مقرر کر لیے ۔۔
دکاندار برائلر مرغی کا گوشت 820روپے فی کلو فروخت کر رہے ہیں جس کے باعث چکن عام آدمی کی پہنچ سے دور ہونے لگا ۔ گوجرانوالہ میں برائلر مرغی کے گوشت کی قیمت میں ریکارڈ اضافہ نے عوام کو چکرا کر رکھ دیا ہے ،عام آدمی کے لیے مرغی کا گوشت کھانا مشکل ہو گیا ہے ۔ضلعی انتظامیہ کی جانب سے برائلر مرغی کے گوشت کی قیمت 594فی کلو گرام مقرر ہے لیکن دکاندار 820روپے فی کلو گرام کے حساب سے فروخت کر رہے ہیں۔ دکاندار مرٖغی کے گوشت کی قیمتیں کم کرنے کو تیار نہیں ، دکانداروں نے سرکاری ریٹ لسٹ تو آویزاں کی ہوئی ہے لیکن گوجرانوالہ میں کسی بھی جگہ اس ریٹ پرگوشت نہیں مل رہا۔شہریوں کا کہنا ہے کہ ضلعی انتظامیہ کو ناجائز منافع خوروں کے خلاف سخت کارروائی کی جانی چاہیے ۔دکانداروں کا کہنا ہے کہ ضلعی انتظامیہ کی جانب سے جو ریٹ لسٹ جاری کی گئی ہے اس حساب سے انہیں پولٹری فامرز سے برائلر مرغی نہیں مل رہی ،وہ کیسے سرکاری نرخ پر فروخت کر سکتے ہیں،قیمتوں میں اضافہ سے وہ بھی پریشان ہیں۔
