جیولری شاپ پر چوری ، ملازم ملوث نکلا، 28لاکھ کا سونا برآمد
راولپنڈی(نیوزایجنسیاں)تھانہ وارث خان کے علاقے میں جیولری شاپ پر چوری کی واردات میں ملازم ہی ملوث نکلا جس سے 28 لاکھ روپے کا سونا برآمد کر لیا گیا۔
حکام کے مطابق چند دن قبل وارث خان کے علاقے میں جیولری شاپ پر چوری کی واردات کے دوران لاکھوں روپے کی جیولری چرا لی گئی تھی ، واردات کی کڑیاں جیولری شاپ کے اپنے ہی شوکت خان نامی ملازم تک جا ملیں۔ پولیس نے اسے شامل تفتیش کرکے تحقیقات شروع کیں جس پر ملزم نے واردات کا اعتراف کر لیا ۔ ایس ایس پی آپریشنز نے کہا کہ ملزم کو ٹھوس شواہد کے ساتھ چالان کیا جائے گا۔
روزنامہ دنیا ایپ انسٹال کریں
