شہدائے فلسطین کی یاد میں چراغاں، تصویری نمائش
کراچی(اسٹاف رپورٹر)ایم ڈبلیو ایم کے تحت پریس کلب پر شہدائے فلسطین کی یاد میں چراغاں اور تصویری نمائش کاانعقاد کیاگیا۔۔۔
تقریب میں مختلف سیاسی و مذہبی جماعتوں کے رہنماوں،صحافتی برادری و سماجی شخصیات نے شرکت کرکے شمع روشن کی۔تقریب میں شرکاء سے خطاب میں صوبائی صدر علامہ باقر عباس زیدی کا کہنا تھا کہ پوری دنیا میں آج جمعتہ الوداع عالمی یوم القدس منایا جائے گا۔ اس موقع پر پاکستان بھر میں مختلف اجتماعات منعقد کئے جائیں گے اور عوام اپنا مثالی احتجاج ریکارڈ کرائیں۔انہوں نے کہا کہ علماء و خطبہ جمعہ کے اجتماعات میں مظلوم فلسطینیوں سے اظہار یکجہتی پر اپنے خطابات دیں گے ۔ملک کے مختلف شہروں میں اسرائیلی مظالم کے خلاف احتجاجی مظاہرے و ریلیاں نکالی جائیں گی۔
روزنامہ دنیا ایپ انسٹال کریں
