سکول مینجمنٹ کمیٹی کو وائس چیئرمین کے ذریعے چلایا جائیگا
ملتان(خصوصی رپورٹر)سکول مینجمنٹ کمیٹی کو وائس چیئرمین کے ذریعے چلایا جائے گا ۔بتایاگیا ہے کہ محکمہ سکولز نے۔۔
تعلیمی اداروں کے معاملات کو احسن طریقے سے چلانے کیلئے ایس اوپیز جاری کر دیے جس کے مطابق سکول مینجمنٹ کمیٹی کے ایک مشترکہ بینک اکاؤنٹ کوہیڈ ٹیچر اور کمیٹی کے وائس چیئرپرسن کے ذریعے چلایا جائے گاسکول سالانہ 25لاکھ روپے تک کے فنڈز تعمیراتی کاموں، مرمت، اور دیگر ضروریات کے لیے استعمال کر سکتے ہیں بشرطیکہ فنڈز دستیاب ہوں۔ تمام اخراجات کمیٹی کی منظوری سے شفاف اور کفایت شعاری سے کیے جائیں گے ہیڈ ٹیچر بنیادی مالیاتی افسر ہوں گے اور ریکارڈ اور اکاؤنٹس کے ذمہ دار ہوں گے کمیٹی کو سرکاری مالیاتی اصولوں (جیسے پیپرا ) سے مستثنیٰ قرار دیا گیا ہے اور وہ مارکیٹ کی بنیاد پر فنڈز خرچ کرنے کے اہل ہیں۔ 25لاکھ روپے تک کے فنڈز آڈٹ، ٹیکسز (جیسے ی ایس ٹی، انکم ٹیکس، پی ایس ٹی ) اور خریداری کے قوانین سے مستثنیٰ ہوں گے ۔
