کمشنر کا ڈی ایچ کیو ہسپتال اور سردارکوڑے خان سکول کا معائنہ
مظفرگڑھ(سٹی رپورٹر) کمشنر ڈیرہ غازی خان چودھری اشفاق احمد نے مظفرگڑھ کا دورہ کیا، کمشنر نے ۔۔
ڈی ایچ کیو ہسپتال اورسردار کوڑے خان سکول کا معائنہ کیا۔ کمشنر اورڈپٹی کمشنر قراۃ العین میمن نے خصوصی بچوں سے ملاقات کی اور عیدکے تحائف تقسیم کئے جس پربچوں نے خوشی کا اظہارکیا۔ کمشنر ڈی جی خان نے سردار کوڑے خاں پبلک سکول میں میڈیا سے گفتگو کرتے ہوئے کہا کہ وزیر اعلیٰ پنجاب مریم نواز کی ہدایت پرڈویژن کے تمام سرکاری ہسپتالوں میں سپیشل بچوں کو عید گفٹ دئیے جارہے ہیں۔ انہوں نے کہا کہ سپیشل بچوں کی جدید خطوط پرتربیت کرے کے ان کو مفید شہری بنانا ہے ۔انہوں نے کہا کہ مستقبل میں یہ بچے ملک کی تعمیرو ترقی میں اپنا کردار ادا کریں گے ۔ انہوں نے کہا سکول انتظامیہ کی کارکردگی قابل ستائش ہے ایک سوال کے جوا ب میں انہوں نے کہا کہ ضلعی انتظامیہ اچھے اور مربوط انداز میں کام کررہی ہے ،تاہم بہتری کی گنجائش ہر جگہ موجود ہوتی ہے ، سرکاری ہسپتالوں میں مریضوں کا آنا اس بات کا ثبوت ہے کہ یہاں سہولیات مل رہی ہیں۔انہوں نے کہا کہ ڈی ایچ کیو ہسپتال میں صفائی کی صورتحال میں مزید بہتری کی ضرور ت ہے ۔ اس موقع پر ڈپٹی کمشنر قراۃ العین میمن، ایڈیشنل ڈپٹی کمشنر ریونیو عوید ارشاد بھٹی ، سی ای او تعلیم ماہ جبین، پرنسپل سردار کوڑے خان پبلک سکول طاہر بشیر بھی موجود تھے ۔کمشنر نے ایڈیشنل ڈپٹی کمشنر ریونیو عوید ارشاد کے ہمراہ رمضان سستا بازار کا دورہ کیا اور اشیاء خوردونوش کی قیمتوں کا جائزہ لیا۔انھوں نے رمضان سستا بازار میں صفائی ستھرائی سمیت دیگر انتظامات کا بھی جائزہ لیا۔کمشنر ڈیرہ غازی خان ڈویژن اشفاق احمد چوہدری نے کہا کہ رمضان سستا بازار میں اشیاء خوردونوش کو مقررہ نرخوں پر فروخت کیا جائے ۔
