منکرین ختم نبوت کو بے نقاب کرنا ہماری ذمہ داری :علماء
چناب نگر(نامہ نگار )عقیدہ ختم نبوت اسلام کی شہ رگ ہے ، منکرین ختم نبوت کو بے نقاب کرنا ہمارے ایمان کا تقاضہ اور ہماری ذمہ داری ہے ۔ان خیالات کا اظہار علمائے کران نے ختم نبوت اسلامک سنٹر چناب نگر میں منعقدہ ختم نبوت کورس سے خطاب کرتے ہو ئے کیا۔
مقررین نے مزید کہا کہ ہمارے تمام مسائل کا حل اسلام کو بطور نظام حیات نافذ کرنے میں ہے ، معاشرے میں اچھی تبدیلی لانے کیلئے قرآن و سنت کا پڑھنا پڑھانا ناگزیر ہے ،ہمارے تمام مسائل کی وجہ چاہے انفرادی ہو یا اجتماعی ان سب کا سبب نبی کریم کی حکم عدولی ہے ، تمام مسائل کا حل آپ کی اطاعت اوراتباع میں ہے ۔انہوں نے کہا کہ دنیا بھر میں امت مسلمہ کو دجالی تہذیب کاچیلنج درپیش ہے ، ہمارے نو جو ا نو ں کا اسلام اور قرآن کی طرف بڑھتا رجحان دیکھ کر دجالی تہذیب خوفزدہ ہے ،دشمن کی سازش ہے ان کو تشدد کی سیا ست کی طرف دھکیل دے ۔ انہوں نے کہا کہ امت مسلمہ اس وقت مشکل دور سے گزر رہی ہے ، استعماری اور طاغوتی قوتیں آپس میں متحد ہو کر مسلمانوں پر حملہ آور ہو رہے ہیں ۔موجودہ عالمی حالات کے تناظر میں سب کو ذمہ دارانہ کردار ادا کرنا ہو گا۔انہوں نے کہا کہ مسلمانوں کی زندگی کا ہر عمل قرآن و سنت کے مطابق ہونا چاہیے ،عبادات سمیت سیاست، معیشت، معاشرت اور اخلاقیات میں سیرت رسول ؐسے رہنمائی لینے کی ضرورت ہے ۔ہر شخص کو چاہیے کہ وہ اپنی اصلاح کرے اور اعمال صالح کرے ،پوری قوم اﷲکے سامنے جھک جائے اور اپنے گناہوں کی معافی مانگے ۔
