لیب ٹیسٹوں کی فیسیں مقرر کرنے کی رپورٹ طلب
لاہور( کورٹ رپورٹر)لاہور ہائیکورٹ میں سرکاری ہسپتالوں میں ادویات کی عدم دستیابی کے خلاف درخواست پر سماعت ہوئی۔ عدالت نے آئندہ سماعت پر لیب ٹیسٹوں کی فیسوں کو مقرر کرنے کی رپورٹ طلب کرتے ہوئے سماعت 10 اپریل تک ملتوی کردی۔
جسٹس شاہد کریم نے ریمارکس دیئے کہ ادویات کی فراہمی کے لیے بجٹ ریلیز تو نہیں کرا سکتے ۔ پنجاب ہیلتھ کیئر کمیشن کی وزیر اعلی ٰپنجاب سے میٹنگ ہونی چاہیے ، پھر روزانہ ہسپتالوں کے دورے کی ضرورت پیش نہیں آسکتی۔ چیف ایگزیکٹو پنجاب ہیلتھ کیئر کمیشن عدالت کے روبرو پیش اور کہا کہ سروسز ہسپتال اور دیگر سرکاری ہسپتالوں کی رپورٹ تیار کی ہے ۔
روزنامہ دنیا ایپ انسٹال کریں
