سیالکوٹ :سپیشل ایجوکیشن کے طلبا میں تحائف تقسیم
سیالکوٹ(نمائندہ دنیا ،ڈسٹرکٹ رپورٹر )وزیر اعلیٰ پنجاب مریم نواز شریف کا چھوٹی عید پر خصوصی بچوں کو بڑا تحفہ۔۔۔
، ڈپٹی کمشنر محمد ذوالقرنین لنگڑیال نے ضلع سیالکوٹ میں گورنمنٹ سپیشل ایجوکیشن کے 8 اداروں کے زیر تعمیر 812 بچوں میں عید گفٹ تقسیم کئے ۔ ڈپٹی کمشنر نے گورنمنٹ سیکنڈری سکول آف سپیشل ایجوکیشن نیکا پورہ سیالکوٹ میں عید گفٹ تقسیم کرتے ہوئے کہا کہ جسمانی معذوری کا شکار سپیشل بچوں کی نگہداشت پورے معاشرے کی اجتماعی ذمہ داری ہے ، وزیر اعلیٰ مریم نواز شریف نے عید الفطر پر ان کیلئے خصوصی تحائف بھیجے ہیں جس سے ان کی اور ان کے گھر والوں کی عید کی خوشیاں دو گنی ہوگئی ہیں۔ انہوں نے کہا کہ خصوصی بچوں کیلئے ضلع سیالکوٹ میں سرکاری سطح پر 8 سکول کام کررہے ہیں جہاں بچوں کو مفت تعلیم، ٹرانسپورٹ اور ماہانہ وظائف بھی دئیے جاتے ہیں۔ انہوں نے کہا کہ ان اداروں کی باقاعدگی سے مانیٹرنگ کی جاتی ہے جس کا مقصد ان سکولوں میں معیار تعلیم اور ڈسپلن کو بہتر بنانا ہے اور ان بچوں کی شکایات کا ازالہ کرنا ہے ۔ ڈپٹی کمشنر نے بہترین تقریب کے انعقاد پر ڈسٹرکٹ ایجوکیشن اتھارٹی کی کاوشوں کو سراہا۔ سی ای او ایجوکیشن مجاہد حسین علوی، ڈی ای او ایلیمنٹری ایجوکیشن محمد احمد ججہ، ڈپٹی ڈی ای اوز محمد آصف ، افتخار احمد ساہی بھی موجود تھے ۔
