غلط انجکشن سے 15سالہ لڑکی کی ہلاکت، ڈاکٹر، داماد اور بیٹی گرفتار
کراچی (این این آئی)کراچی کے علاقے ملیر سٹی بچل گوٹھ کھوکھراپار چمن کالونی میں غلط انجکشن لگنے سے 15 سالہ لڑکی نصرت بی بی کے جاں بحق ہونے کے مقدمے میں نامزد ڈاکٹر۔۔
اس کے داماد اور بیٹی کو گرفتار کرلیا گیا۔پولیس کے مطابق مقتولہ کے والد واحد بخش کی مدعیت میں مقدمہ درج کیا گیا، جس میں قتل بالسبب اور غفلت و لاپروائی کی دفعات شامل کی گئی ہیں۔ والد کے بیان کے مطابق ان کی بیٹی طبعیت خراب ہونے پر والدہ کے ہمراہ ڈاکٹر رشید کے کلینک گئی، جہاں غلط انجکشن لگنے کے بعد اس کی حالت بگڑ گئی۔ جب والد کلینک پہنچے تو بیٹی کے منہ سے جھاگ نکل رہا تھا، جبکہ ڈاکٹر رشید، اس کا داماد اور بیٹی موقع پر موجود تھے۔ پولیس کے مطابق گرفتار ڈاکٹر رشید کا داماد امجد اور بیٹی کلینک میں بطور اسٹاف کام کرتے تھے۔
روزنامہ دنیا ایپ انسٹال کریں
