اسلام آباد:(دنیا نیوز) پاکستانی دفتر خارجہ کے مطابق بنوں میں پولیس چوکی پر ہونے والے حملے کی منصوبہ بندی افغانستان میں موجود دہشتگردوں نے کی۔
راہِ ہدایت
اور بے شک تمہارا پروردگار تولوگوں پر فضل کرنے والا ہے لیکن ان میں سے اکثر شکر نہیں کرتے۔ (سورۃ النمل آیت نمبر:73)
دشمن کا خواب اسکی صلاحیت سے کہیں بڑا ، کامیاب نہیں ہونے دینگے ،ہمارادفاع ناقابلِ تسخیر ،کسی مہم جوئی کے نتائج انتہائی خطرناک ہونگے ، پاکستان کی کوئی داستان کشمیر کے بغیر مکمل نہیں شہدا کی قربانی کو امانت سمجھتے ہیں :معرکہ حق کی خصوصی تقریب سے خطاب، شہداکیلئے ایک منٹ کی خاموشی ،پاک فوج، بحریہ اور فضائیہ کے چاق و چوبند دستوں کا مارچ پاسٹ اور سلامی
جواب ناقابل قبول ،مجھے پسند نہیں، ایران امریکا اور دنیا کیساتھ 47سال سے کھیل کھیل رہا،تاخیر و چالاکی کے ذریعے الجھائے رکھا ، ضرورت پڑنے پر مزید 2ہفتے حملے کر سکتے :ٹرمپ ؤایرانی سپریم لیڈر مجتبیٰ خامنہ ای سے فوجی کمانڈر علی عبداللہی کی ملاقات ، بھر پور مقابلہ کرنیکا حکم ،ایران کے یو اے ای ،کویت پر ڈرون حملے ،امریکی کارگو جہاز بھی نشانہ ،آگ بھڑک اٹھی
پاکستان نے دفاعی کے بعد سفارتی جنگ جیتی اورتیسری عالمی جنگ رکوانے میں کردار ادا کیا :واہگہ میں تقریب سے خطابراولپنڈی معرکہ حق سکوائر کا افتتاح،سگنل فری کوریڈور کا دورہ،والدہ کی دعاؤں سے آج اس منصب پر ،ماؤں کو سلام:پیغام
لاہور(سٹاف رپورٹر)امیر جماعت اسلامی پاکستان حافظ نعیم الرحمن نے کہا ہے کہ پاکستان کسی حکمران کا نہیں، عوام کا ہے۔
بنوں سانحہ کے شہدا کیلئے فاتحہ خوانی، سی این جی سٹیشنز کی بندش پر تشویش کا اظہار صوبے میں گندم بحران کے حوالے سے وفاق کے روئیے کو افسوسناک قراردیا
دشمن نے پلاننگ کرکے جشن منانے پر پیغام دیا،ایسے واقعات پر توجہ دینی چاہئے انڈیا چاہتاپاکستان کو اونچائی سے نیچے کھینچا جائے : ’’آج کی بات سیٹھی کے ساتھ‘‘
یوسف رضا گیلانی سے مفتی منیب کی سربراہی میں وفد کی ملاقات، قومی یکجہتی پر گفتگوماں اللہ کی عظیم نعمت، محبت،ایثار کی لازوال علامت:یوسف رضا،عالمی دن پرپیغام
بھارتی جنگی غرور پاکستانی افواج کی حکمت عملی کے سامنے ٹک نہ سکا، دشمن کے ناپاک عزائم خاک میں ملا دیے ،وزیراعلیٰیہ ملک کے حرمت کے تقدس کی جنگ تھی، وائس ایڈمرل فیصل عباسی ،ڈاکیارڈ میں معرکہ حق کی پہلی سالگرہ کی تقریب
متفرقات
ٹیکنالوجی کی برق رفتار ترقی نے دنیا کے ہر شعبے کو متاثر کیا ہے، اور اب ہوا بازی کا میدان بھی اس انقلاب کی زد میں آ چکا ہے۔ مصنوعی ذہانت (اے آئی) اور روبوٹکس کے امتزاج نے وہ کام ممکن بنا دیے ہیں جو کبھی صرف انسانوں کے دائرہ کار میں سمجھے جاتے تھے۔ حال ہی میں جاپان ایئرلائنز کی جانب سے انسانی شکل کے روبوٹس کو سامان اٹھانے اور اتارنے کیلئے استعمال کرنے کا اقدام اسی تبدیلی کی ایک نمایاں مثال ہے۔ یہ پیش رفت نہ صرف جدید ٹیکنالوجی کی صلاحیتوں کو ظاہر کرتی ہے بلکہ مستقبل کے ہوائی اڈوں کی جھلک بھی پیش کرتی ہے، جہاں انسان اور مشینیں مل کر کام کریں گی۔گمشدہ سامان اور خراب بیگز کا مسئلہ جلد ماضی کا حصہ بن سکتا ہے، کیونکہ جاپان ایئرلائنز نے روبوٹک بیگیج ہینڈلرز کی آزمائش شروع کر دی ہے۔ مئی سے ٹوکیو کے مصروف ہنیڈا ایئرپورٹ پر انسانی عملے کو دو سالہ تجرباتی منصوبے کے تحت انسانی شکل کے روبوٹس کی مدد حاصل ہوگی۔ چین میں تیار کیے گئے یہ روبوٹس زمین پر ہونے والے کام، جیسے سامان سے بھرے کارگو کنٹینرز کو جہازوں پر چڑھانا اور اتارنا، انجام دینے کی تربیت حاصل کریں گے۔جاپان ایئرلائنز (JAL) کو امید ہے کہ یہ نئے روبوٹک کارکن جاپان میں بڑھتی ہوئی سیاحت اور کم ہوتی افرادی قوت کے مسائل کو کم کرنے میں مددگار ثابت ہوں گے۔ ''وائر ایوی ایشن‘‘ کے مطابق ایئرپورٹ پر دو روبوٹس کا تجربہ کیا جائے گا۔ ایک 130 سینٹی میٹر قد کا ''یونٹری جی1‘‘ اور دوسرا بڑا 172 سینٹی میٹر کا ''یو بی ٹیک واکر ای‘‘۔میڈیا کیلئے کیے گئے مظاہرے میں دیکھا گیا کہ ''یونٹری جی1‘‘ نہایت نرمی سے، اگرچہ کچھ غیر مستحکم انداز میں، ایک کارگو کنٹینر کو کنویئر بیلٹ کی طرف دھکیل رہا تھا۔ اگرچہ یہ مہارت ابھی زیادہ متاثر کن نہیں لگتی، تاہم ''جاپان ایئر لائنز‘‘ کو یقین ہے کہ 2028ء تک روبوٹس بعض شعبوں میں انسانوں کی جگہ لینا شروع کر دیں گے۔ جاپان ایئرلائنز کے گراؤنڈ سروس کے صدر یوشیترو سوزوکی نے صحافیوں سے گفتگو کرتے ہوئے کہا کہ بھاری کاموں کیلئے روبوٹس کا استعمال ملازمین کیلئے نمایاں فوائد فراہم کرے گا۔دو سالہ تجرباتی منصوبہ ابتدائی طور پر اس بات پر توجہ دے گا کہ روبوٹس کو ہر جسمانی طور پر مشکل کام انجام دینے کا طریقہ سکھایا جائے، جس کیلئے ہر کام کو چھوٹی چھوٹی حرکات (موومنٹس) میں تقسیم کیا جائے گا۔ جب روبوٹس بڑے اور بھاری کارگو کنٹینرز کو لوڈ اور اَن لوڈ کرنا سیکھ لیں گے، تو وہ ایئرپورٹ کی گراؤنڈ سروسز ٹیم میں باقاعدہ طور پر کام شروع کر سکیں گے۔جاپان ایئرلائنزکا کہنا ہے کہ وہ توقع رکھتے ہیں کہ یہ روبوٹس 2027ء کے آخر تک ہنیڈا ایئر پورٹ کے عملی ورک فلو کا باقاعدہ حصہ بن جائیں گے، جو سالانہ 60 ملین سے زائد مسافروں کو سنبھالتا ہے۔ اگر یہ تجربہ کامیاب رہا تو یہ روبوٹس ایئرپورٹ کے نظام کا مستقل حصہ بن جائیں گے۔ بعد ازاں ان روبوٹس کو مختلف کاموں کیلئے استعمال کیا جائے گا، جن میں سامان کی لوڈنگ، کیبن کی صفائی اور حتیٰ کہ گراؤنڈ سپورٹ ایکوئپمنٹ جیسے ٹگس اور فیولرز کو چلانا بھی شامل ہو گا۔ اگرچہ یہ روبوٹس سکیورٹی مینجمنٹ جیسے فرائض انجام نہیں دے سکیں گے، تاہم ایئرلائنز کا خیال ہے کہ یہ انسانی شکل کے روبوٹس افرادی قوت کی کمی کے مسئلے کو حل کرنے میں اہم کردار ادا کر سکتے ہیں۔''جی ایم او آرٹیفیشل انٹیلی جنس اینڈ روبوٹکس‘‘ کے صدر توموہیرو اوچیدا، جو اس منصوبے میں ''جال‘‘ کے شراکت دار ہیں، نے صحافیوں سے گفتگو کرتے ہوئے کہا کہ اگرچہ ایئر پورٹس بظاہر انتہائی خودکار اور معیاری نظام رکھتے ہیں، لیکن ان کے پس پردہ کام اب بھی بڑی حد تک انسانی محنت پر منحصر ہیں اور وہاں شدید افرادی قلت پائی جاتی ہے۔ ''جال‘‘ کے پاس پہلے ہی تقریباً 4ہزار گراؤنڈ اسٹاف موجود ہیں، لیکن جاپان کی بڑھتی ہوئی عمر رسیدہ آبادی کی وجہ سے افرادی قوت میں مسلسل کمی واقع ہو رہی ہے۔جاپان کی تقریباً 30 فیصد آبادی پہلے ہی 65 سال سے زائد عمر کی ہے، جبکہ ہر 10 میں سے ایک شخص اب 80 سال سے بھی زیادہ عمر کا ہے۔ اس صورتحال کے باعث صرف 60 فیصد آبادی کام کرنے کی عمر میں رہ گئی ہے، اور توقع ہے کہ یہ شرح مزید کم ہو جائے گی کیونکہ بزرگ آبادی بڑھ رہی ہے اور شرحِ پیدائش میں تیزی سے کمی آ رہی ہے۔ اندازہ لگایا گیا ہے کہ 2040ء تک جاپان کو اپنی معاشی ترقی کے اہداف حاصل کرنے کیلئے 65 لاکھ سے زائد غیر ملکی مزدوروں کی ضرورت ہوگی، کیونکہ مقامی افرادی قوت میں نمایاں کمی واقع ہو رہی ہے۔اسی دوران جاپان سیاحت کے لحاظ سے پہلے سے کہیں زیادہ مقبول ملک بنتا جا رہا ہے۔ جاپان نیشنل ٹورازم آرگنائزیشن کے مطابق صرف 2026ء کے ابتدائی دو ماہ میں ہی 70 لاکھ سے زائد غیر ملکی سیاح ملک کا دورہ کر چکے ہیں۔ یہ اضافہ گزشتہ سال کے ریکارڈ توڑ 4 کروڑ 27 لاکھ سیاحوں کے بعد ہوا ہے، اگرچہ چین سے آنے والے سیاحوں کی تعداد میں کمی دیکھی گئی ہے۔ ان دونوں عوامل کا مجموعہ اب جاپان کے مصروف ہوائی اڈوں کے عملے کیلئے ایک بڑا مسئلہ پیدا کر رہا ہے، جس کے حل کے طور پر روبوٹس کو تیزی سے دیکھا جا رہا ہے۔ انسانی ملازمین کے مقابلے میں ہیومنائیڈ روبوٹس کم لاگت ہیں، وہ سخت جسمانی کام انجام دینے کی صلاحیت رکھتے ہیں اور خطرناک ماحول میں بھی کام کر سکتے ہیں۔اہم بات یہ ہے کہ انسانوں جیسی شکل ہونے کی وجہ سے ایئر پورٹس کو اپنے بنیادی ڈھانچے (انفراسٹرکچر) میں بڑی تبدیلی کرنے یا انسانی عملے کو مکمل طور پر ختم کرنے کی ضرورت نہیں پڑتی۔ ایئر لائنز نسبتاً مشکل اور جسمانی محنت والے کام روبوٹک عملے کے سپرد کر سکتی ہیں، جبکہ چند انسان نگرانی اور آپریشن کی حفاظت کو یقینی بنانے کیلئے موجود رہیں گے۔ اسی طرح کے تجربات فاسٹ فوڈ ریسٹورنٹس میں بھی کیے جا رہے ہیں، جہاں روبوٹس باورچی خانے کے کاموں یا حتیٰ کہ گاہکوں کے ساتھ تعامل (انٹرایکشن) کی ذمہ داری بھی سنبھال سکتے ہیں۔ چین کے شہر شنگھائی میں ہیومنائیڈ روبوٹس ایک ریسٹورنٹ میں کھانے پیش کر رہے ہیں اور صارفین کو تفریح بھی فراہم کر رہے ہیں۔ یہ مشینیں چینی کمپنی کی فراہم کردہ ہیں اور انہیں ایک تجرباتی منصوبے کے طور پر استعمال کیا جا رہا ہے، جو اس بات کی طرف اشارہ کرتا ہے کہ مستقبل میں روبوٹس فاسٹ فوڈ ریسٹورنٹس میں معمول کے کام سنبھال سکتے ہیں۔
تندرستی انسان کی وہ انمول نعمت ہے جس کے بغیر زندگی کی تمام رنگینیاں اور آسائشیں بے معنی ہو جاتی ہیں۔ صحت مند جسم اور توانا ذہن ہی انسان کو زندگی کے خوشگوار لمحات سے بھرپور فائدہ اٹھانے کا موقع دیتے ہیں۔ کہا جاتا ہے کہ تندرستی ہزار نعمت ہے، کیونکہ جب انسان بیماری یا کمزوری کا شکار ہو جائے تو دنیا کی ہر سہولت اور خوشی اس کیلئے بے وقعت ہو جاتی ہے۔ موجودہ دور میں، جب مختلف بیماریوں اور ذہنی دباؤ میں اضافہ ہو رہا ہے، تندرستی کی اہمیت پہلے سے کہیں زیادہ بڑھ گئی ہے۔ یہی وجہ ہے کہ صحت کی حفاظت اور اس کی قدر کرنا ہر فرد کیلئے ایک بنیادی ضرورت بن چکا ہے۔تندرستی کے معنی ہیں صحت کی درستی، خیر و عافیت، آرام، خیریت، درستی اور سلامتی وغیرہ۔صحت کیلئے اردو زبان میں متبادل کے طور پرتندرستی کا لفظ مستعمل ہے۔ یہ لفظ دو الفاظ تن اور درستی کا مرکب ہے۔ اس سے مرادجسم کی وہ کیفیت ہے جو معمول کے مطابق ہو یا جسمانی و ذہنی تندرستی ہے۔ہر انسان کے جسم سے بیماریوں سے لڑنے کی ایک فطری طاقت ہوتی ہے جس کو قوت مدافعت کہتے ہیں۔ اس کے ذریعہ انسانی جسم مختلف امراض سے لڑتا ہے، یہ قوت بچوں اور بوڑھوں میں کمزور ہوتی ہے لہٰذا ان کی صحت پر زیادہ توجہ دینا چاہئے۔بلاشبہ صحت مند زندگی انسان کیلئے انمول نعمت ہے، دنیا کی آسائشیں اورآرام ایک طرف لیکن صحت نہ ہو تو زندگی خوشیوں سے خالی ہوجاتی ہے۔ انسان جب تک صحت مند وتندرست رہتا ہے اپنی زندگی کے خوشگوار لمحات سے محفوظ ہوتا ہے، اگر خدانخواستہ وہ بیمار ہوجائے تو ساری خوشیاں اور زندگی کی آسانیاں خاک میں مل جاتی ہیں۔ تندرستی کو برقرار رکھنے کیلئے جہاں ہمیں غذا وقت پر لینے کی عادت ڈالنا چاہئے، وہیں متوازن غذا لینے کی اہمیت بھی سمجھنی چاہئے۔ کسی دانا کا قول ہے کہ ''انسان اپنے دانتوں سے خود کی قبر کھودتا ہے‘‘۔ یہاں میں متوازن غذا کی وضاحت کرنا مناسب سمجھتی ہوں۔صحتمند اور متوازن غذا کا استعمال، اچھی صحت کو برقرار رکھنے کا نہایت اہم حصہ ہے۔کھانا جلدی جلدی نہیں کھانا چاہیے بلکہ سکون سے چھوٹے چھوٹے لقمے بنا کر اچھی طرح چبا کرکھائیں۔ دانتوں کا کام ہے کھانے کو چبانا، اگر ہم اچھی طرح نہیں چباکرکھائیں گے تو یہ ذمہ داری معدہ پر آجائے گی اور معدہ میں چبانے کی صلاحیت نہیں ہے۔ ماہرین کے بقول تمام بیماریاں معدے کی خرابی کا نتیجہ ہوتی ہیں۔انسانی صحت کا چہل قدمی سے بہت گہرا رشتہ ہے۔ آج مصروف ترین زندگی میں سے تھوڑا وقت نکال کر ہر انسان چہل قدمی کرکے اپنے جسم کو متناسب رکھ سکتا ہے۔ چہل قدمی ایک ورزش بھی ہے اور یہ آسان عمل ہے جسے ہر عمر کے فرد بآسانی انجام دے سکتے ہیں۔ اس کے علاوہ ہمیں چاہیے کہ ہم اپنے کام خود انجام دیں اور خود کو جسمانی طور پر متحرک اور چست رکھیں۔ماہرین فٹنس کیلئے کی جانے والی چہل قدمی کے بارے میں دعویٰ کرتے ہیں کہ اس سے تھکن کم ہوجاتی ہے اور بیش از بیش فوائد حاصل ہوتے ہیں ، سب کو ہی اپنے جسموں کو صحت مند رکھنے کیلئے چہل قدمی ضرور کرنا چاہئے۔
دس سال سے یعنی جس دن سے میری شادی ہوئی ہے، یہی ایک سوال بار بارکسی نہ کسی صورت میں ہمارے سامنے دہرایا جاتا ہے، آپ کے ہاں بچّہ کیوں نہیں ہوتا؟ یہ کوئی نہیں پوچھتا کہ آپ کے ہاں روٹی ہے؟ گھر ہے؟ روزگار ہے؟ خوشی ہے؟ عقل ہے؟ سب یہی پوچھتے ہیں کہ آپ کے ہاں بچّہ ہے؟ گویا بچّہ ان تمام ضروریاتِ زندگی کا نعم البدل مان لیا گیا ہے، ہم دونوں کو اس سوال سے انتہائی کوفت ہوتی ہے مگر کیا کریں سکون کی خاطر طرح طرح سے اس سوال کو ٹالنا پڑتا ہے۔میرے ایک دوست ہیں ماشاء اللہ سات عدد بچّوں کے باپ ہیں اور آٹھویں کی فکر میں ہیں، ان کے بچّے اکثر بیمار رہتے ہیں، آج ایک کو کالی کھانسی ہے، تو دوسرے کو بخار ہے، تیسرے کو چیچک نکل آئی ہے، تو چوتھے نے سڑک پر گر کر اپنا سر پھوڑ لیاہے، پانچویں کی آنکھیں دکھتی ہیں، تو چھٹا اس بات پر ادھار کھائے ہے کہ کب کسی مہمان کی گود میں بیٹھے اور پیشاب کرے، مگر اس روشن اولاد کے باپ کو صرف ایک ہی غم کھائے جا رہا ہے، اٹھتے، بیٹھتے مجھ سے سوال کرتے رہتے ہیں۔ ''آپ کے ہاں بچّہ کیوں نہیں ہوتا؟‘‘میں اس سوال کے جواب میں اکثر اپنی ڈبڈبائی آنکھیں آسمان کی طرف اٹھاکر نہایت مسکین لہجے میں جواب دیتا ہوں ''کیا بتاؤں نہیں ہوتا‘‘۔ گویا اس حادثہ یا عدم حادثہ کی ذمّے داری مجھ پر نہیں خدا پر عائد ہوتی ہے مگر میرے دوست کی تسلّی اس جواب سے نہیں ہوتی۔ آگے جھک کر بڑے رازدارانہ لہجے میں فرماتے ہیں ''کسی ڈاکٹر کی مدد لیجئے‘‘۔ میں کہتا ہوں ''کیسے لے سکتا ہوں۔ جس ڈاکٹر کے ہاں ہم لوگوں کا علاج ہوتا ہے اس کے ہاں خود کوئی بچّہ نہیں ہے‘‘۔ وہ فوراً گھبرا کر کہتے ہیں ''آپ سمجھے نہیں، میرا مطلب ہے، کسی ڈاکٹر کو دکھایئے، ممکن ہے آپ کے اندر کوئی نقص۔۔۔‘‘میں بات کاٹ کر کہتا ہوں، ''دکھایا ہے۔ کوئی نقص نہیں ہے‘‘۔''اور ہماری بھابی؟‘‘''وہ بھی ٹھیک ہیں‘‘۔''وہ بھی ٹھیک ہیں، آپ بھی ٹھیک ہیں‘‘۔ میرے دوست بڑی حیرت سے کہتے، ''پھر بھی بچّہ نہیں ہوتا۔ حیرت کی بات ہے صاحب؟‘‘ایک اور دوست ہیں ہمارے، انہیں یہ تو شبہ نہیں ہے کہ ہم دونوں میاں بیوی میں خدانخواستہ کوئی نقص ہے مگر وہ یہ ضرور سمجھتے ہیں کہ ہم لوگ دیدہ ودانستہ بچّہ پیدا نہیں کرتے۔ وہ جب بھی ہمارے گھر آتے ہیں بچّوں کے فوائد پر مختلف زاویوں سے روشنی ڈالتے ہیں۔ البتہ تقریر کرتے وقت انداز سیاستداں کا سا نہیں ہوتا بلکہ ایسے بروکرکا ہوتا جیسے ہمارے ہاں بچّہ ہونے پر ان کو فوراً کمیشن ملے گا۔میں ان سے بہت الجھتا ہوں۔ کیوں کہ مجھے خواہ مخواہ شبہ ہوجاتا ہے کہ بچّہ میں پیدا کروں اور فائدہ ان کو ہوگا۔ جی چاہتا ہے کہ محض ان کو زک دینے کیلئے زندگی بھر کوئی بچّہ پیدا نہ کیا جائے۔ اکثر فرماتے رہتے ہیں، اگر آپ کے گھر کوئی بچّہ ہوتا تو میں اس کی شادی اپنی مْنّی سے کرتا۔ ان کی مْنّی انتہائی بدصورت، بھینگی، بدمزاج، اور مرگھِلی ہے۔ محلّے کے سب بچّوں سے لڑتی رہتی ہے۔ اس کے سر پر بال اس قدر کم ہیں کہ بڑی ہونے پر انشاء اللہ واقعی گنجی ثابت ہوگی۔ مگر یہ حضرت ہیں کہ میرے گھر میں اسی چاند سی بیوی کا اضافہ کرنے پر تلے ہوئے ہیں۔ اس مْنّی کو دیکھ کر مجھے نہ صرف اپنے بلکہ ان تمام بچّوں کی خوش قسمتی پر رشک ہوتا ہے جو ابھی پیدا نہیں ہوئے یا جن کے پیدا ہونے کی کوئی امیّد نہیں ہے۔ہمارے ایک تایا ہیں، پچاس برس کی عمر ہونے پر بھی ان کا نام چْھٹن لال ہے۔ تایا چْھٹن لال بچّوں کے بے حد قائل ہیں اور جوں جوں بوڑھے ہوتے جاتے ہیں بچّوں کے زیادہ سے زیادہ قائل ہوتے جاتے ہیں۔ گھر آتے ہی میرے سر پر بڑی شفقت سے ہاتھ پھیرتے ہیں۔ مجھ پر کم، میری بیوی پر زیادہ۔ پھر ایک آہ سرد بھر کر کہتے ہیں: ''افسوس تمہارے ہاں کوئی بچّہ نہ ہوا، اسے گود میں کھلانے کا ارمان دل ہی میں رہ گیا‘‘۔میں جواب دیتا ہوں ''تایا جی! مجھے ہی گود میں کھلا لیجئے‘‘۔ تو اس پر برہم ہو جاتے ہیں، کہتے ہیں ''تو نہیں جانتا، تو تو احمق ہے، نرا پورا احمق! بچّے تو گھر کی رونق ہوتے ہیں۔ وہ کبھی جھگڑتے ہیں، کبھی ہنستے ہیں، کبھی روتے ہیں، کبھی چلّاتے ہیں، دھول دھپّا کرتے ہیں، بچّوں کے ہونے سے گھر میں عجیب رونق سی رہتی ہے‘‘۔میں کہتا ہوں، ''اس کام کیلئے ہمسائے کے بچّے کیا کافی نہیں ہوتے؟ پھرجہاں تک چیخنے چلاّنے کا تعلق ہے آدمی بچّے کیوں پیدا کرے وہ آل انڈیا ریڈیو کا کوئی ڈرامہ کیوں نہ سن لے۔ جس میں چیخنے چلاّنے کے سوا اور کچھ ہوتا ہی نہیں۔ اس لئے ایک بچّے کوپالنا پوسنا اور اس پر ہزاروں روپے خرچ کرنا کیا ضروری ہے۔ جبکہ یہ کام بہ آسانی ریڈیو کی ایک سوئی گھومانے سے سرانجام دیا جا سکتا ہے‘‘۔
حضرت سعدیؒ بیان کرتے ہیں، میرے جاننے والوں میں ایک منشی روزگار نہ ملنے سے بہت پریشان تھا۔ ایک دن وہ میرے پاس آیا اور اپنا حال بیان کرنے کے بعد کہا کہ بادشاہ کے دربار میں آپ کی رسائی ہے۔ کسی عہدیدار سے کہہ سن کر کوئی کام دلوا دیں۔ میں نے کہا، بھائی، بادشاہوں کی ملازمت خطرے سے خالی نہیں ہوتی۔ نان ہاتھ آنے کی امید کے ساتھ جان جانے کا امکان بھی ہوتا۔میں نے یہ نصیحت اس کی بھلائی کیلئے کی تھی لیکن اس نے خیال کیا کہ میں اسے ٹالنے کی کوشش کر رہا ہوں۔ کہنے لگا، یہ بات ٹھیک ہو گی لیکن جو لوگ ایمانداری اور محنت سے اپنا کام کریں انہیں ڈرنے کی کیا ضرورت ہے! آپ نے سنا ہو گا کہ میلے کپڑے ہی کو دھوبی پٹرے پر مارتا ہے۔میں نے اسے پھر سمجھایا کہ تو ٹھیک کہتا ہے۔ سانچ کو آنچ نہیں، بہت مشہور بات ہے۔ لیکن بادشاہوں اور حاکموں کے بارے میں اس لومڑی کی سی احتیاط برتنی چاہیے جو گرتی پڑتی، بھاگتی چلی جاتی تھی،کسی نے پوچھا کہ خالہ لومڑی کیا مصیبت پڑی ہے جو یوں بھاگی چلی جا رہی ہو؟ لومڑی بولی، میں نے سنا ہے بادشاہ کے سپاہی اونٹ بیگار میں پکڑ رہے ہیں۔ اس نے ہنس کر کہا عجب بے وقوف ہے! اگر اونٹ پکڑے جا رہے ہیں تو تجھے کیا ڈر؟ تو تو لومڑی ہے۔ لومڑی نے جواب دیا، تیری بات ٹھیک ہے لیکن اگر کسی دشمن نے کہہ دیا کہ یہ اونٹ کا بچہ ہے، اسے بھی پکڑ لو تو میں کیا کروں گی؟ جب تک یہ تحقیق ہو گی کہ میں لومڑی ہوں یا اونٹ کا بچہ، میرا کام تمام ہو چکا ہو گا۔ مثل مشہور ہے کہ جب تک عراق سے تریاق آئے گا، وہ بیمار چل بسا ہو گا جس کیلئے تریاق منگوایا گیا ہو گا۔میر ی بات بالکل درست تھی لیکن وہ اپنے خیال پر قائم رہا اور میں نے اس کی حالت کا اندازہ کر کے اسے بادشاہ کے دربار میں ملازمت دلوا دی۔ شروع شروع تو اسے ایک معمولی ساکام ملا لیکن چونکہ آدمی قابل تھا اس لیے بہت ترقی کر گیا اور عزت و آرام کے ساتھ زندگی گزارنے لگا۔کچھ دن بعد میں ایک قافلے کے ساتھ حج کے سفر پر روانہ ہو گیا اور جب اس مبارک سفر سے واپس آیا تو وہ شخص کئی منزل چل کر میرے استقبال کیلئے آیا لیکن میں نے دیکھا کہ اس کی حالت سے پریشانی ظاہر ہوتی تھی۔ حالات پوچھے تو اس نے بتایا کہ مجھے اب معلوم ہوا کہ آپ نے جو بات کہی تھی وہ بالکل ٹھیک تھی۔ میں نے اپنی قابلیت اور محنت سے ترقی کی تو حسد کرنے والوں کو یہ بات بری لگی اور انھوں نے مجھ پر الزام لگا کر قید کر دیا۔ اب حاجیوں کے قافلے کی خیریت سے لوٹنے کی خوشی میں قیدیوں کو آزاد کیا گیا ہے تو مجھے بھی رہائی نصیب ہوئی۔ ورنہ بادشاہ نے تو یہ تحقیق کرنے کی ضرورت بھی محسوس نہ کی تھی کہ میں گناہ گار ہوں یا بے گناہ۔ میں نے کہا، افسوس !تو نے میری بات نہ مانی میں نے تو تجھے پہلے ہی سمجھایا تھا کہ بادشاہ کا قرب سمندر کے سفر کی مانند ہوتا ہے کہ اس سے انسان کو بہت سے فائدے حاصل ہوتے ہیں لیکن ساتھ جان جانے کا اندیشہ بھی ہوتا ہے۔حضرت سعدیؒ نے اس حکایت میں بھی بادشاہوں کا قرب حاصل کرنے کی جگہ قناعت اور صبر کی زندگی بسرکرنے کو افضل بتایا ہے۔ ان کے زمانے کے مطلق العنان بادشاہوں کے انداز فکر و عمل کے بارے میں تو کچھ کہنے کی ضرورت ہی نہیں کہ ان کی ہر الٹی سیدھی بات قانون کی حیثیت رکھتی تھی۔ یہ بات آج کے صاحب اختیار لوگوں کے بارے میں بھی بالکل درست ہے کہ جب تک پوری صلاحیت اور اہلیت حاصل نہ ہو ان کا قرب خطرے سے خالی نہیں ہوتا۔
پاکستان نے چند گھنٹوں میں بھارت کا غرور خاک میں ملا دیا:مئی 2025 کا وہ تاریخی معرکہ جس میں پاک فضائیہ نے دشمن کے نام نہاد ناقابل تسخیر طیاروں کو ملبے کا ڈھیر بنا کر فضائی برتری کا لوہا منوایا۔ فیلڈ مارشل سید عاصم منیر کی جرات مندانہ قیادت نے پوری قوم کو’’ایک پیج‘‘پر لا کر دفاعِ وطن کو ناقابل تسخیر بنادیا۔ معرکہ حق کے بعد پاکستان خطے میں صرف ایک عسکری قوت ہی نہیں بلکہ امن و ثالثی کا وہ محور بن چکا ہے جس کی مرضی کے بغیر جنوبی ایشیا کا کوئی فیصلہ ممکن نہیں۔
ہم پاکستانی ہر معاملہ میں اپنا ثانی آپ ہیں، ہونا بھی چاہئے کیونکہ دل ہے پاکستانی۔ ہمارے تمام تر معاملات عجیب بھی ہوتے ہیں اور بھرپور بھی۔ ہر معاملے میں ہمارا رویہ منفرد بھی ہوتا ہے اور نرالا بھی۔
ایک سرسبز جنگل کے پاس گاؤں میں بَبلو نام کا ایک خوش مزاج اور ذہین بچہ رہتا تھا۔
سنڈے میگزین
دنیا بلاگز
